Said Bouteflika yella inejmaɛ aked A. Benyounes d H. Ould Ali uqbel tirza n gmas amzizwar di temdint n Tizi Uzzu. D ahil. Wid issenen annar asertan n temnaṭ-agi ẓran ukud iddukel uqerru n Ddula di tmurt Leqbayel. Ma tecfam kan yiwen qqaren-as Hadj Bettou, wayeḍ Ould Euros deg temnaṭ-agi.

Membaɛd tuṭṭfa n Bgayet, ulac imeslayen nniḍen, aqerru n Ddula yewwi-d tirbuyaɛ-ines ar Tizi Uzzu.

Lebɣi-agi tyita temdinin iẓẓur s tuṭṭfa n imukan temdint s les posters itt-ccerigen medden maca ttelsaqen-ten ibulisiyen ur yella ara kan di tmrut Leqbayel.

Biskra, Batna aked temdinin nniḍen ruḥen ɣursent lkiṛan ččurent d lɣaci txelleṣ Ddula.

Yella maca umgarad ger temdinin-agi aked d tid n tmurt Leqbayel : lɣaci d-wwin. Aqerru n Ddula ruḥen-d ɣures kra n imdanen, ahat d imeyaten akken ad bedden deg ubrid ar d-yaɣ. Kra n wid d-wwin d ilmeẓyen : aṭas degsen staɛṛfen d akken nutni d iɛeskṛiwen neɣ d ibulisiyen d-ilsan lebsa n civil aked les casquettesɣef iqqura. ilesqen

Amgarad nniḍen d-ibanen deg tilibizyu yella deg iqeddacen n udabu di tmurt Leqbayel. Nig imettukar, nezmer ad naf, akken ibɣu yili lḥal, imdanen d-yerran tiɣri i tebdelt ciṭuḥ s leḥya ciṭuḥ s tugdi, neɣ s leqdaṛ n Ddula.

�Walleɣ inebeggawen d-yusan ar uxxam n yildes n Tizi Uzzu, awen-ggaleɣ ḥala imceffeṛ ar gmas, imeggufsa d imakṛaḍen nniḍen.� Lehḍur-agi n yiwen ubulis n temnaṭ-agi.

Acu d-yenna deg 17 n dqayeq Bouteflika.

- Ur ẓriɣ ara acu iḍran di 2001 deg temnaṭ-agi. Armi d tura ! Iǧadeṛmiyen banen d nutni i yenɣan, ismawen-nnsen antad di teɣdemt.

Ar ass-a ulac win inɣan icuṛṛaɛ.

- Aqlaɣ akk d Imaziɣen. Igerrez. Acuɣer ihi ur neǧǧa ara HCA ad iqdec, xas akken acu leqdic, acu lḥala ?

- Asnerni adamsan yekka-d deg akal ixuṣen deg temnaṭ-agi. Nezmer a naɣ akal akken ad yili usnerni n tdamsa. Acuɣer ihi ulac acu txedmeḍ di 10 iseggasen-agi iɛeddan, M. Bouteflika ?

- Tadukli taɣelnawt, awal-agi d-yenna di tmurt Leqbayel win yerran adabu ger ifasen n yiwet la tribu, yequl d ṭṭyaḥa.

Nezmer a nkemmel aka iwenniten ɣef 17 n dqayeq-agi.

Maca ma nessuter, d lkuṛaj, Hadj Bettou d Ould Euros d imdukal, ur d-yugri wawal.

Dagi asenfar iban am yiṭij. Boumediene neɣ Chadli, xas akken kukran tamnaṭ-agi, ur xdimen ara ayagi. Ɣef annect-a, tirza-inek ar tmurt Leqbayel d tamazrayt. Tesban-d lebɣi usbeddi n imcefṛen d lquyad imaynuten.

Ayagi iban-d seg assmi d-tewweḍeḍ ar leḥkum, di luzinat ittruḥen yiwet yiwet, imcefṛen yuɣalen d ikataren, atan tbabbeḍ s yisem n Ddula asexreb n tmurt Leqbayel. Tzemreḍ ad teskidbeḍ iman-ik, tzemreḍ  ad teskidbeḍ tamurt meṛṛa s tɣamsa yellan yidek, maca urḍ ara ad teskidbeḍ i wid imyusanen garasen, yernu ssnen-k. tzmire