Nordine Ait Hamouda, imḍebbeṛ n leqdic tdukliwin d-ismektayen tlmut n les colonels Amirouche d Houes, issuffeɣ-d alɣu isewexṛen asfugel n umulli wis 50 n tmettant n sin-agi imeɣrasen. Atan uḍris s lekmal-is.

Alɣu

Acḥal iseggasen aya, tidukliwin s lemɛawna n imjuhad iqqimen zeddigen smekyan-d yal 29 meɣres timenɣiwt n les colonels Amirouche d Houes.

Ansay-agi ad iqqim skud Ddula tazzayrit ur teẓẓaẓer ara tuffra n iɣsan n sin-agi imeɣrasen azal n 20 iseggasen.

Di taggara-agi n meɣres 2009, wid inɣan tikkelt tis snat Amirouche d Houes aked tarwa-nnsen ttheggin anɣa nniḍen megdal tamurt ass n 9 ibrir.

Amirouche d Houes, am luluf imeɣrasen nniḍen, sebblen tiṛwiḥin-nnsen akken agdud azzayri ad yidir deg ugemmir, tilelli d teɣdemt di tmurt-nnsen ; d ayagi i ibɣa ad iṛkeḍ, i tikkelt nniḍen, udabu ass n 9 ibrir d-iteddun.

Arraw n tfamilt ittekkin deg usmekti akken ad tḍil tidett ad fehmen d akken ur nezmir ara ad neheggi asfugel n umulli wis 50 n tmettant n sin-agi imeɣrasen iruḥen d asfel ass 29 meɣres 1959, deg liḥala-agi iluɣen.

S leqdaṛ n teɣsawt n imeɣrasen-nneɣ d userhu n ugdud-nneɣ, a nbedd ar tama n yal tin yal win iṭṭeffen aɣunzu d ugemmir zdat wid uggulen ad awwin tamurt n Lezzayer ar usyax.

A nefk ttiɛad i yal tin yal win iḍefṛen abrid imezwura ass n 5 yulyu d-iteddun akken ad nesmekti amennuɣ n Amirouche d Houes aked ussirem n ugdud azzayri.

Tassaft Ugemmun, 25 meɣres 2009

I terbaɛt n uheggi