Zdat usuddem n isteqsiyen d-yewḍen ar tansa info@rcd-algerie.info, wid iṭṭfen tawriqt-agi fkan-d tirirt i xemsa (5) isteqsiyen iggensasen n iznan n les internautes.

Asteqsi amezwaru, Halim Akli (Tizi Uzzu)

Alaḥsab tefratin n Useqqamu aγelnaw aneggaru n 26 yunyu 2008 n ukabar-nwen, abaεda s lebγi-nwen akken ad terrem tifranin d-iteddun ddaw taεsast tagraγlant, d aygi i izemren ad iṣṣiweḍ RCD ad ittekki neγ ala deg usiher n 2009.

Alaḥsab tefrtin-agi, tban-d, si ubeddel n lḥukuma, tikli ar ullas amendawi s ubrid amawni ar iğğen aqerru n Ddula ad ijbed laεhed wis tlata akken adabu ur ittebeddil. Accṛem-agi n Tmendawt ur d-ibeggen ara dγa d akken asiher n 2009 ixṛeb uqbel lawan am wid iεeddan yakan ?

Ma yella aka, ṣwab mačči axiṛ ma nuggi cγela-gi akken a neṭṭef tadeγra iqublen aγunzu n lbuṭ akken kan a cceṛmen Tamendawt ?

Tirirt :

Asteqi-inek igerrez.

Tegreḍ tamawt d akken tiseqqamuyin n RCD ttnejmaεent ttawint-d askasi γef temsalt-agi, ayagi ur iqwa ara deg unnar tsertit azzayeri. RCD γures tamγit (vocation) ad isbedd di Lezzayer lεadat timagdayin aked d allalen usnerni-nsent. Amesγaru-agi iγ-issaweḍen ad nnini tanmegla γef uccṛem n Tmendawt aked laεed wis tlata drus maḍi zdat wayen ittwarğun di RCD. Wid yuggin kan aεiwed n Tmendawt ẓran ulac acu zemren ad xedmen. D acu kan, nezmer a neḥbes tukerḍa di lbuṭṛebbi udabu tacriḥt am akken nezmer a nemneε aεiwed amendawi akken ad iqqim Bouteflika deg udabu. swayes itte

Γef annect-a i d-nnena taggin n uεiwed Tmendawt ad yawwin taselwit i lebda tedda, aked taεsast tageraγlant n tefranin segmi ar bdunt alarmi d taggara akken ad yili lbuṭ d azedgan, neγ ad nefḍaḥ lεib udabu zdat lεamma. D taεsast icban tagi i issaweḍen Mugabe as-agi ittuẓer sγur leğnas meṛṛa.

S umata, RCD, axateṛ yuggi ad yurar tamlilt n usrir tesnezgimt, yufrar-d ger wid ur nebγa ara s tidett laεhed wis tlata i Bouteflika di tama, aked d wid issawalen i uγunzu n terfent taselwit mebla ma nnand acu ilaqen megdal tukerḍa di lbuṭ, si tama nniḍen. Sin wadduden ur nesεa ara kra ufares. Nig waya, zemren ad ilin inarafen i uselγaltu n udabu d irgazen-is.

Asteqsi wis sin, Hamani Belkacem (Lezzayer)

Mi aγriγ ahil-nwen greγ tamawt γef tinuṣba n Tmaziγt. Dγa, temeslayem-d γef la co-officialit� deg temnaḍin anida yella �usuter ametti�. Ma tebεeγ aẓeγẓen-agi, ad seggriγ d akken Tamaziγt ur tettili ara d tunṣibt deg tmurt meṛṛa, u attili d tunṣibt di tmurt Leqbayel kan yernu ar idis n taεṛabt ; ayagi di lawan anda di temnaḍin arabophones ur tettili ara Tmaziγt d tutlayt tunṣibt tis snat.

Bγiγ tiririt γef usteqsi-agi.

Tiririt :

Nig taggin n wid izuγuren tallit n ukabar awḥid, askasi γef talluft n Tmaziγt isεa sin iεkuṛen : le populismela surench�re ; iεkuṛen d-igellun s lexṣara abaεda ma yella d iεkuṛen d yekkan sγur imeggiyen d-yufraren deg unnar amaziγ. aked

Deg umagdaz, nezmer a nessuter ayen iγ-ihwan. Nezmer ihi a nessuγ s tawant Tamaziγt ad teqqul, din-din, d tutlayt taγelnawt tunṣibt di Lezzayer meṛṛa. Maca, ilaq a nesεu allalen, akk allalen, iwatan akken a neṣṣiweḍ. D acu di tilawt allalen-agi ulac-iten. Ṣwab amecṭuḥ maḍi yenna-k ur ilaq ara a nettu ayagi di lewhi.

Di Lmeṛṛuk,d ṣwab-agi imeγnasen n Tmaziγt i iṣṣaweḍen ad yili uskasi axiṛ n wagi yellan di Lezzayer aladγa di tmurt Leqbayel anida d-iban uskasi ittweṛkeḍ s rregmat d izerneniyen. Γer lğiran-nneγ utaram, adaγar γef tira tutlayt tamaziγt s Tifinaγ temneε azernen ibγan ad imdel afares. Daγen lğiran-agi nneγ lhan-d deg ayen isεan lmaεna, suffuγen-d idlisen isεan azal u ttnadin aslugen n tutlayt.

Ilaq ad nesmekti d akken d RCD, i tikkelt tamezwarut, i yerran Tamaziγt deg tenyirit n tuddsiwin tizzayeriyin di 1990.

Nezmer ad nnini drus maḍi. Ayagi ittwaqbal. Maca ur nezmir ara a nessuter deg ukabar n tsertit ad yurar tamlilt n usrir iqedcen, daγen ma yili umeγnas isqerdic, ayagi d ayen igerzen, ilaq ad issumer tifratin iwulmen. Ma nwala kra inekcamen deg innurar Internet, nefhem d akken xila iγ-mazal di leqdic.

Asteqsi wis tlata, Mohamed Hamzaoui (Lezzayer)

Membaεd astehzi γef tittekkin neγ ala n Bouteflika deg temlilit tamezwarut n Tdukli i yil agerakal (UPM), as n 13 yulyu, d Nicolas Sarkozy, deg temlilit n G8, i d-lγen tillin n uselway azzayri. Ad ssutreγ degwen kra ustefser γef usteqsi-agi.

Tiririt :

Di tazwara, Bouteflika yeεreḍ ad imekken Kadhafi akken ad iseglu abaεda aselway asiri, Bachar Al Assad, balak ula d iqerra n Ddla iεraben nniḍen ar uγunzu n temlilit tamezwarut n UPM, ad yilin as n 13 yulyu di Paris. Ayagi ur ilḥi ara akken ilaq, Bouteflika ur ibγa ara ad yili ḥala netta ur nettili ara deg temlilit-agi. Yeqqul iruḥ... mebla ma yenna-d i Izzayeriyen acuγer ur ibγa ara ad iruḥ neγ ayγer di taggara iruḥ.

D Nikolas Sarkozy ar ad ilγen, si Tokyo, i ddunit meṛṛa, ihi, i Izzayeriyen daγen, tittekkin n Bouteflika deg temlilit n Paris ! ula d APS aked Tilibizyu ENTV ur aεliment ara alarmi d-yewweḍ usal si tγamsa tabeṛṛanit. D ayen ur nelli.  

Ilaq a neḥṣu d akken altaγ  tmurt deg usenfaṛ icban wagi laqent-as kra tuggdiwin deg ayen iεnan tafrawent deg usefrek lecγal imi sεan aselkem di tallunt taṛupit-tagerakalant. Mačči ḥala aya imi attekki n Ddula deg tegrumma yewwi-d fellas aqadeṛ n izerfan n umdan. Ayagi du laqrar ur issuεed ara imḍebbṛen yerran tijεal d tmuḥqranit d aluggen.

Ihi membla lebγi-s ar iṛuḥ Bouteflika ar Paris. Imi aγunzu amsetlan ur iṣṣaweḍ ara, iεreḍ ad ijbed deg tittekkin lfayda i imman-is : axemmes aked Sarkozy zdat les cam�ras d ineγlan yerran aselway n Fransa imeslay s isem-is azal nsnat dqayaq.

Ayagi di lawan i deg Tunes ad tesεu asutel n UPM, tamarayt tamatut teṣṣuḥ-d Lemeṛṛuk, ma d acrak n tselwit iqqul ar Maṣṣar. Lezzayer, igra-yas-d ad tewwet ajewwaq.

Asteqsi siw rebεa, Ali Marzouk (Bgayet)

Asmi iqqul Ahmed Ouyahia d aqerru n lḥukuma, aselway ukabar-nwen , Said Sadi, imeslay-d γef ayen umi qqaren la vente concomitante. Ad inniγ ur fhimeγ ara anamek-ines. Ur tezmirem ara ay d-sfehmem kra γef aya ? Tuγalin-ines ar lḥukuma d ayen ilhan i tmurt neγ ala ? Maka d-qarbent tefranin teslwit n yibril 2009, wisen ma ur d-ttuγalen ara Abrika d imeddukal-is ar unnar akken ad sluγen amdun n tsertit di tmurt Leqbayel ?

Tiririt :

D tidett, izmer lḥal ad uγalen iqeddacen udabu ar unnar. Tuγalin n Ouyahia izmer ad yili d tazwert.

D tikkelt tis tlata i d-yuγal urgaz-agi ar uqerru n lḥukuma. Izzayeriyen ccfan dakken d netta i yellan deffir lecγal ur neda ara di ṣwab. Darasen, tukksa n lexlaṣ ixeddamen, aneḥbus amesbaṭli n wazal 2 000 ikataren garasen kra mutten di lḥebs yernu ur xdimen kra, aεiwed n le code penal i yerran ddunit teṣεeb i ineγmasen, tukerḍa di tefranin εinani aked, di taggara, tamlilt-ines deg usluγu n unnar asertan di tmurt Leqbayel, s ilkamen-ines deg ayen iεnan tadamsa, timetti neγ laman.

Ma yella argaz ixedmen akk aya sawlen-as-d di lawan i deg Bouteflika itteheggi ad iεiwed i Tmendawt akken ad irnu laεhed nniḍen di tselwit, ilaq a neẓẓer d acu-tt tuγdatt n tuγalin-agi.

Ma neẓẓer d akken Ouyahia d allal ilaqen swayes adabu iserway tamurt Leqbayel, ma neẓẓer iḍmeε ad isbedd RND di temnaṭ-agi, tin itent-yugaren akk, γures anatal ad iγleb FFS d RCD, γurneγ azref a nurdu d akken tamurt Leqbayel tezmer ad teqqul daγen di timiṭ usenduddi n isγan d-issufγen tuccer-nsen seg 2001.

Ihi d ayagi umi qqaren la vente concomitante : rran argaz ibaεden γef at iččumar, maεna d imḍebbeṛ izemren ad ibbib accṛem n Temdawt aked tukerḍa n tefranin d-iteddun, daγen izmer ad isluγ amdun akken ad iseglu s tmetruyt, takritt, tagguẓit di tmurt Leqbayel.

Asteqsi wis xemsa, Kamel Rachid (Lezzayer)

RCD d akabar iεetben aṭas s tmessumant i Lezzayer n imeγrasen, bγiγ kan ad terrem lewhi-nwen γer uguren iḥuzen ilmeẓyen Leqbayel abaεda ayen iεnan tammunit n temnaṭ-agi-nneγ, le patriotisme Leqbayel iftutes ( ilmeẓyen ur ẓrin ara maḍi irgazen n temnaṭ-agi i ittekkin deg timunent n Lezzayer, ayagi ilaq d aγerbaz a t-ixedmen, ttusemma Ddula). Ma neẓẓer Ddula d nettat i ixedmen deg usfaḍ n iseddagen, ilaq RCD ad iheggi isaragen, timeskanin tiγerfanin di yal tama n tmurt akken a nissin Abane, Krim, Boudiaf, Ben Mhidi, Hassiba d wiyiḍ nniḍen... D ṣṣaḥ RCD ur itturar ara s imeγrasen n tegrawla, ayagi s leqdeṛ. Maca mačči dγa imagdayen cγul am akken ğğan tallit-agi isεan azal deg umezruy n tmurt-nneγ der ifassen iqdacen udabu yerran imeγrasen-nneγ d taḥanutt ? D lawan ad akin imagdayen n tmurt-agi wakken ilemẓiyen ad issinen amezruy. D wagi i d allal swayes ar iten-nemneε sγur wid iten-deggiren ar ukmim. Immal tmurt Leqbayel d aberkan. Aṭas i bγiγ ad arnuγ, maca ẓriγ RCD d akabar isεan laεqel d lmaεqul.

Tiririt :

Adabu, imi mačči d amagday, itturrar s tγewast n wid ifkan idammen-nsen γef tlelli d timunent. Maca degmi ur isεa kra n tmaγant neγ asenfaṛ i lebni tmurt, iqqul ar ubeddel umezruy n Lezzayer. Ayagi isegla-d s lεib-agi n ilmeẓyen-nneγ ur nessin ara amezruy ; mačči kan ur ẓrin ara acu xedmen imezwura, ula d isenfaṛen iḍemεen i tmurt ur ten-sinen ara.

Abadu iεreḍ acḥal aya ad issimes i Abane, Krim aked Amirouche. Ula d Ben Mhidi d Boudiaf ur mniεen ara deg uzuzuf n yir awal. Di taggara, asṛuḥu n iseddagen innul ara kan ilmeẓyen Leqbayel, xas akken adabu ulac acu ur ixdim ara akken ad yerr tamurt Leqbayel deg tmetruyt yal as. S waka ibγa ad yeğğ ilmeẓyen war amezruy ama acu d-leqmen sγur wid ittekkemilen amennuγ n Abane, iḍmeε daγen ad yerr tamnaṭ-agi d annar anida ar yili ḥala rregmat, takriṭ, rrebrab.

RCD ittennaγ megdal annect-a am uzal am yiḍ. Asmekti n umuli wis 28 n 20 Yibrir, d amedya, iqqul d allal usemsawi ger tassuta n tura aked iseddagen n Tefsut Imaziγen, nettat dγa tella d asemslili ger Lezzayer timunent aked unza n tiγerγert n Soummam.