Twacult tazzayrit yettidiren di Kanada tettikki s tuget deg usarag d-yellan ass n 12 nuvembeṛ 2011 di tzeqqa n yisaragen n Centre des Loisirs des Parcs n Montr�al.

Mbaɛd ameslay awezlan sɣur uselway n RCD n Kanada Arezki SLIFI, Said SADI, ddan yid-s Rafik HASSANI d Youcef MERROUCHE, Amaray aɣelnaw d umtil ɣer temsal tigraɣlanin, yemmeslay-d ɣef sebbat d yiswiyen n tirza n RCD ɣer Marikan Ugafa : � Tamurt tuyzag, tamnaḍt nneɣ teddidir inhewwalen deg umzeruy, tawacult tagraɣlant tufa-d fad n tugdut ɣer yigduden n wenẓul i tettu acḥal aya neɣ tḥureb-iten acku tettkel ɣef idabuyen idictaturen ara ad iḍemnen aqeɛɛed n temnaḍt agi.

Liḥala agi terra-yas meṛṛa taɛna-yaɣ. Si 22 yennayer 2011, RCD yerra s wudem asertan deg ubrid ayen ssaramen izzayriyen i ubeddel. Seg tmesbaniyin agi, iɣerfanen d icriken nneɣ ẓran d akken abeddel agi ur yettili ara d lfakya n ubeddel ara yasen s wemcawaṛ akked udabu.

Am di Libya neɣ di Surya, tugdut di Lezzayer d ayen iwaɛren. Di tazwara n useggas 2011, ur nebɣi ara ad nefk awal i texnanasin n udabu yerran l��tat d�urgence deg umḍiq n l��tat de si�ge. Amecčaw deg idammen yessarem udabu d ayen izemren ad yefken afṛaz nezzeh i tnekra taɣerfant maca ayagi yezmer ad yawi tamurt deg webrid nniḍen ara iṛehnen talalit tis snat n Lezzayer ɣef i nqeddec meṛṛa.

Mbaɛd imi iṣeṛṛef 40 imelyaren n dollars di lḥir d usluɣu, adabu yufa-d iman-is deg unekcum imetti di tneqqiḍt tamezwarut. Liḥala tasertant, timettit tewɛeṛ nezzeh. Tamsalt taɛna ugar ameɣnas d uɣerfan. Ilaq fell-aɣ ad nxemmen ad nemmeslay garaneɣ ɣef sebbat yesxerben amennuɣ ɣef tlelli d-yufraren deg umaḍal wis tlata. Ilaq ad nektil ttawilat tessexdem temṣulṭa tasertant si 1957 i wakken ad nḥader i yimmal ticerktin n ccwal, n uzewweṛ n tefranin d tijɛal.

Skud ur d-yelli ara usefsex n tsemsulṭa tasertant, agdud azzayri ur iẓeṛ la taɣdemt, la lehna, la tilelli la anegmu. Ma taɛessast tagraɣlant n tefranin ur tettili ara deg tefranin d-iteddun di Lezzayer, tamurt ur yettak ara azal d leqder i tuddsiwin ines.

Attiki n yiɣriben deg umennuɣ agi d ayen iwulmen acku laɛzem ines asertan dwayen ssnen d taṛekkizt ɛlayen i ubeddel aɣelnaw �.

Deg imeslayen-nnsen, iɣriben n Kanada fkan-d tamuɣli-nnsen ɣef amek yezmer ad yili usefsex n DRS ara ad yawin s tidett taɛessast n udabu asertan. Wid nniḍen mmeslayen-d ɣef usexdem n ddin sɣur DRS. Ibeddi n yikabaren inselmen di kra n tagrawliwin d ayen ahat ara yeggen abrid i udabu akken ad yeǧǧ liḥala tekref.

Aṭas n yiseqsiyen nniḍen ɣef tuddsa tasertant ara yawin deg ubrid n unegmu aɣelnaw.

Ɣer tagara n temlilit idummen n tlata n tsaɛtin, Said SADI yenna : � asbeddi n tugdut di temnaḍin-nneɣ d amecwaṛ ittujerḍen deg umezruy. Tamurt-nneɣ tella d tamezwarut gar imussuyen n tlelli, ilaq ad nbedd akken ur tettili ara d taneggarut deg usbeddi n tugdut. Cceṛt i unnerni agi d taywalt. Lmeǧhud i nexdem i wakken ad nas si Lezzayer ad nemmeslay yid-wen ilaq as-teggem irebbi dagi gar-awen. Ilaq ad nemmeslay, ad nessenqed, ad nessuter ma yella nebɣa ad neg leqrar i tmurt-nneɣ ur tnegger ara. Adabu ur yebɣi ara ad yugad tikli n lislam asertan deg twennaḍt-nneɣ. S tidett, tamsulṭa tasertant tessaweḍ ad tezraɛ islam asertan isɛan ssem di temnaḍt nneɣ mbla ma terra-d lexbaṛ tmetti s waɣit yurǧan Lezzayer. S kra n tmuɣli, axir ad nili sdat ukabar ineslem ibanen wala adabu yettɣummun iman-is netta i d-isbedden lqanun n twacult mbla ma kra n ssuṭ di tmurt.

Ih, ilaq ad nerr awal ilelli i wakken ad nesseḥbes diɛaya tunṣibt s lemɣawla u d lwaǧeb fella-aneɣ �.