Tajmaɛt taɣelnawt tettheggi iman-is i tikelt nniḍen ad tefk ttbut deg akken tedda d lebɣi n lḥukuma. Lecɣal n tedwilt n tura d ayen ara ad ibegnen d akken Tajma�t taɣelnawt d taɛekkazt ɣef i tsenned lḥukuma s lmendad n udabu aɛeẓẓug i ifernen abrid n usexdem n tiḥila d uḥwaṣ n tudma n leryuy i weḥdes kan mbla ma imuqel ɣer wayen yebɣa wegdud deg ayen yaɛnan tezdeg, afraq gar idabuyen d la d�centralisation.
Leqwanen n tefranin, attikki n tilawin deg tjemmuyaɛ, lqanun n tedrimt 2012 ara ad tessebleɛ Tejma�t taɣelnawt APN d ayen ara ifken ttbut n wudem icemten n tuddsa ixulfen abrid d-wwin imussuyen yettnaɣen ɣef timmunent n yegduden deg tmura tijiratin-nneɣ.
I tikelt nniḍen, d wid nni i iqeblen coup d�Etat constitutionnel n nuvembeṛ 2008 ara ibuṭin ɣef leqwanen mgal tilelliyin ara itebɛen.
RCD yellan lebda yettnaɣ ɣef tlelli n tmeṭṭut tazzayrit yewwet-d deg tiḥila n udabu yebɣan amzun akken ad issaɛdel netta yekbel tameṭṭut tazzayrit s lqanun n twacult iqedmen di Tafriqt ugafa.

Lqanun yaɛnan leqdic n yimazanen ad yawi taɣawsa nniḍen ara yerren yeksen azal i tejmaɛt taɣelnawt tečča tejɛal, anda lqanun n tefranin d-yersen ɣef umeslay ad isseɣzef amecwaṛ i uzewweṛ gar ifassen n tebdelt d teqdemt ma ulac taɛessast tagraɣlant isɛan tamusni d wallalen di tɛessast n tefranin.

Ma d lqanun n tedrimt 2012, laɛqliya n usekcem n lfayda tezdel ɣef uselḥu n rrezq aɣelnaw d ttbut n webrid nniḍam ittaken aṭas n tdrimt ḥala i leqdic n udabu mačči i usnerni adamsan.

Aceqquf aneggaru n nniḍam yeǧǧa umezruy, Tajmaɛt taɣelnawt s tidderɣelt-is, tasusmi ines ad tekfu amecwaṛ ines akken d-tebda.

Imazanen n RCD rebḥen ikursiyen nnsen s tugdut ad kemlen lecɣal-nnsen di lḥerma yal ass leqdic-nnsen deg unnar ar tama n yiɣerfanen.

Lezzayer, 03 nuvembeṛ 2011
RCD