Deg ukemmel n temiliyin gar yiɣerfanen yebdan di tefsut iɛeddan, Sa�d Sadi yella di Clef ass n letnayen 10 tuber, amulli n znezla yewwten tamdint n Hassiba Ben Bouali di 1980.

Akter n 200 wudmawen n timetti taɣarimt gar-sen wid isselḥuyen tikubbaniyin, imjuhad iqdimen n lwimaya tis IV, isdawanen, imḍebṛen iqdimen n terbaɛt ASO d iɛeggalen n tdukkliwin n wid tḥuza znezla ttwanecden-d akken ad mbadalen azal n snat n tsaɛtin d wezgen ɣef liḥala tadaxlit d twennaṭ tasertant n tmurt.

� 31 yisegasen aya ass s wass, lliɣ di temdint agi akked imdukal-iw i uɛiwen n yimezdaɣ yettewten s znezla. Seg tiɣemmaṛ n Lezzayer tusa-d lemɛiwna d twizi ɣef temdint agi. Ass-a, nettwali tibeṛṛakin yettwabnan ɣef 10 yiseggasen kan mazal-itent ttwazedɣent. Izzayriyen d-yefkan udem n tebɣest di lḥerma sdat n twaɣit tamagant ttwaṛekḍen si 1962 s twaɣit tasertant yettun lebɣi d uzref n yiɣerfanen u tessexreb tamurt. � yenna deg awal-is Said Sadi.

� Skud abadu ara ad issufɣen 30 000 n yimsulṭa akken ad ḥebsen imdanen ur leḥḥun ara di tmaneɣt, skud nesnulfa-d lqanun n tɣiwanin ara yekksen ṛṛay n wufrin i win yettmettilen tabdelt di lawan anda lǧiran-nneɣ ttxemmimen ad xelqen lḥukumat d wamni n temnaḍin, skud nettemḍerkal ɣef tulya n weḥric n tisliẓri 50 yiseggasen mbaɛd timmunent, ur ilaq ara ad nerǧu akken aɣerfan neɣ icriken n Lezzayer ad fken cwiṭ n leqdar i welɣu n tisemmeskal. Dɣa, tafrant ara ibeddlen tamendawt am akken yeṛgem uselway n Ddula ass n 15 yebrir yettwattu yakan. �

Ɣaf ayen yaɛnan immal, aselway n RCD imeslay-d ɣef lqanun n tedrimt 2012. � D tiɣri n ṭṛad mgal anegmu. Aseṛṛef yettnerni, tadrimt n usefti tettṣubbu i yeḥricen n ṭmana di lawan anda nettcuḥḥu ɣef ttṛebga taɣelnawt. �

Ma ɣef imeslayen n udabu yebɣan ad yessimes yal takti n ubeddel, Sa�d Sadi ikemmel :
� Imi ur izmir ara ad yefk tamaɣant-is neɣ asenfar, adabu yefka ssem deg lɛama s ddiɛayat akken ad iḥettem takti ɣef akken meṛṛa isertanen kifkifiten. Ala, imazanen ur ɛdilen ara : xas ma amḍan nnsen drus, ḥala imazanen n RCD i yellan yid-wen asmi d-yella lḥerṣ ɣef yilmeẓyen n Clef di 2010, qqublen iɣallen n yimṣulṭa di tallit n tmesbaniyin n Leezayer. Lemyur n RCD ttaken-d leḥsab n leqdic-nnsen yal aseggas i yimezdaqɣ, mi ara ufrin neɣ imḍebber ikcem-it ṭṭmeɛ neɣ ixdeɛ ad ittuɛaqeb akken yebɣu yili wemḍiq-is deg ukabar. Ala ikanaren ur ɛdilen ara meṛṛa. Seg zik nexdem isumren i wumi sellen ara akken iwulem, neɣ alamma ifat lḥal. Taɛessast tagraɣlant s tugett, iwenɛen i nessutur tezmer ad tettwaqbel maca ilaq ad nerǧu akken adabu ad yaɛṛeḍ ad yessiwzel tuɣḍaṭ-is. Ala, ulac la fatalit� ɣer tijɛal neɣ ɣer wartaɣdemt neɣ ɣer azewweṛ. �

Ɣef umqelleɛ daxel n nniḍam ikemmel inna Said Sadi : � ameslay ɣef ubeddel daxel n nniḍam d awezɣi. Di tidett, nniḍam azzayri isenned ɣef tlata n temsal : azewweṛ n tefranin, tijɛal d zzuṛ. � Itunsiyen ddren deg yiwen n nniḍam abulisi, ilibiyen ttwaṛekḍen ɣur yiwen n nniḍam aɛessekri n teqbilin, Lezzayer tedder deg sin agi. Nesɛa amḍan n yimsulṭa n wayen isɛa Ben Ali, rnu ɣur-s yiwen n lɛeskeṛ ikecmen deg teqbilin. �

Wid iḥeḍren meslayen-d ɣef uguren n tebdelt yeǧǧan wid tḥuza twaɣit n 1980 nḥafen maca tiwaɣiyin tineggura am tin n El Bayaḍ frantent s lemɣawla. Imɛelmen idamsanen bɣan ad ẓren d acu d tamuɣli n RCD deg unegmu n tmurt. Tamsalt n umugar amagday daɣen yella-d fell-as umeslay. Mbla ma nettu liḥala n yilmeẓyen yellan d immal n tmurt uɣalen di rrif ur sɛin tamuɣli ɣer sdat imi ttwalin kan amek ara rewlen si tmurt.

Deg awal n taggara, Sa�d Sadi yesmekta-d d akken tameddurt tadamsant, tadelsant neɣ timettit n tmurt tcud ɣer wamek ibennu udabu asertan deg wennar aɣelnaw. Maca tuddsiwin-nneɣ lulent-d s uzewweṛ. Akken ad nqeɛɛed aɛewwiq agi, ilaq ad neslelli tamurt seg nniḍam asertan yettwassummen sɣur agman yesɛan meṛṛa ttawilat, ixedmen di ṭlam, ur yessin ara taɛessast. Amek tamurt i tezmer ad tessexdem timussniwin ines i lfayda n lɛamma di tegnatin am tigi ? Ma nebɣa ad nefk amellil i Lezzayer, ma nebɣa ad nemneɛ tamurt si lɣerqa, ilaq tamsalt n Ṭmana taɛessekrit (S�curit� militaire) ad ters ɣer wennar ass-a. Ur nesɛi ara azref deg teywalt issukkṛen neɣ yellin i yikelyanen. Di tmurt anda nɣan Alger R�publicain d El Djoumhouria akken ad fken tadrimt i yeɣmisen n tzulixin, amennuɣ n teywalt d tamsalt iwulmen. Tlaq lemḥadra. Ur ilaq ara tinekriwin tiɣerfanin ad ttusxedment sɣur tirebbuyaɛ n nniḍam. Asexdem n tnekra n 88 tesqam-d s wazal ɣlayen i tmurt. Ur nesɛi ara uguren akked yimdanen. Nesɛa ugur akked nniḍam i yettun Novembre d Soummam, yesseɣres azref n usirem wessiɛen.